Leviticus 3:1 εϣωπ δε ουϣουϣωουϣι ννοϩεμ πε πεϥταιο `μ`πϭοις εϣωπ μεν εαϥενϥ εϧουν εβολ ϧεν νιεϩωου ιτε ουϩωουτ ιτε ουςϩιμι εϥεενϥ εϧουν εϥοι `ναταϭνι `μπεμθο `μ`πϭοις
Leviticus 3:2 ουοϩ εϥεταλο `ννεϥϫιϫ εϩρηι εϫεν ταφε `μπιδωρον ουοϩ εϥεϧελϧωλϥ ϩιρεν νιρωου `ντε ϯςκυνη `ντε ϯμετμεθρε ουοϩ ερε νενϣηρι νααρων νιουηβ ευεϫωϣ `μπι`ςνοϥ εϫεν πιμανερϣωουϣι εϥκωϯ
Leviticus 3:3 ουοϩ ευεινι εϧουν εβολ ϧεν πιϣουϣωουϣι `ντε πιουϫαι ουουταϩ εϥϣηπ `μ`πϭοις πε `πιωτ ετϩωβς `νϯνεϫι νεμ `πιωτ νιβεν ετϩιϫεν ϯνεϫι
Leviticus 3:4 νεμ πιϭλωτ 2. νεμ `πιωτ ετϩιϫωου φη ετχη ϩιϫεν νιαλωϫ νεμ πιλοβος ετχη ϩιϫεν πιϩηπαρ ευεολϥ νεμ νιϭλωτ ευςοπ
Leviticus 3:5 ουοϩ ερε νενϣηρι νααρων νιουηβ ευεενου εϩρηι εϫεν πιμανερϣωουϣι εϫεν νιϭλιλ εϫεν νιροκϩ νη ετχη ϩιϫεν πιχρωμ ουουταϩ εϥϣηπ πε ουςθοι νςθυνουϥι `μ`πϭοις πε
Leviticus 3:6 εϣωπ δε ου εβολ ϧεν νιεςωου πε πεϥδωρον `νουϣουϣωουϣι ννοϩεμ `μ`πϭοις ουϩωουτ ιε ουςϩιμι εϥεενϥ εϧουν εϥοι `ναταϭνι
Leviticus 3:7 εϣωπ ουϩιηβ πε πεϥδωρον εϥναενϥ εϧουν `μπεμθο `μ`πϭοις
Leviticus 3:8 ουοϩ εϥεταλο `ννεϥϫιϫ εϫεν ταφε `μπιδωρον ουοϩ εϥεϧελϧωλϥ ϩιρεν νιρωου `ντε ϯςκυνη `ντε ϯμετμεθρε ουοϩ ερε νενϣηρι νααρων νιουηβ ευεϫωϣ `μπι`ςνοϥ εϫεν πιμανερϣωουϣι εϥκωϯ
Leviticus 3:9 ουοϩ εϥεινι εϧουν εβολ ϧεν πιϣουϣωουϣι `ντε πιουϫαι ουουταϩ εϥϣηπ `μ`πϭοις `πιωτ νεμ πετςαπεςητ `νϯϧελπι ουαταϭνι εϥεολϥ νεμ νιϯπι νεμ `πιωτ τηρϥ ετϩωβς εϫεν ϯνεϫι νεμ `πιωτ τηρϥ ετϩιϫεν ϯνεϫι
Leviticus 3:10 νεμ πιϭλωτ 2. νεμ `πιωτ ετϩιϫωου φη ετχη ϩιϫεν νιαλωϫ νεμ πιλοβος φη ετχη ϩιϫεν πιϩηπαρ εϥεολϥ νεμ νιϭλωτ
Leviticus 3:11 ουοϩ εϥεενου `νϫε πιουηβ εϫεν πιμανερϣωουϣι ουςθοι νςθυνουϥι ουουταϩ εϥϣηπ `μ`πϭοις
Leviticus 3:12 εϣωπ δε εβολ ϧεν νιβαεμπι πε πεϥδωρον `μ`πϭοις εϥεϧωντ εϧουν `μπεμθο `μ`πϭοις
Leviticus 3:13 ουοϩ εϥεταλο `ντεϥϫιϫ εϩρηι εϫεν τεϥαφε ουοϩ ευεϧελϧωλϥ `μπεμθο `μ`πϭοις ϩιρεν νιρωου `ντε ϯςκυνη `ντε ϯμετμεθρε ουοϩ ερε νενϣηρι νααρων νιουηβ ευεϫωϣ `μπι`ςνοϥ εϫεν πιμανερϣωουϣι εϥκωϯ
Leviticus 3:14 ουοϩ εϥεινι επϣωι εβολ `μμοϥ `νουουταϩ εϥϣηπ `μ`πϭοις `πιωτ ετϩωβς εϫεν ϯνεϫι ουοϩ `πιωτ τηρϥ εϩρηι εϫεν ϯνεϫι
Leviticus 3:15 νεμ πιϭλωτ 2. νεμ `πιωτ τηρϥ ετϩιϫωου φη ετϩιϫεν νιαλωϫ νεμ πιλοβος ετχη ϩιϫεν πιϩυπαρ εϥεολου νεμ νιϭλωτ
Leviticus 3:16 ουοϩ ερε πιουηβ εϥεενου εϫεν πιμανερϣωουϣι ουουταϩ εϥϣηπ ουςθοι νςθυνουϥι εϥϣηπ `μ`πϭοις ωτ νιβεν ανιτϥ `μ`πϭοις
Leviticus 3:17 ουνομος ϣα ενεϩ `ντε νετενϫωου `νϩρηι ϧεν νετενμανϣωπι τηρου ωτ νιβεν νεμ `ςνοϥ νιβεν `ννετενουομου